(Видео) Ни Германците веќе не им веруваат на здpaвствените власти за пандемијата

Анкетата во Германија нарачана од националниот весник Билд покажа дека повеќе од половина од населението повеќе не и верува на официјалната статистика на КОВИД-19.

Истражувањето го нагласува загрижувачкиот колапс на довербата во органот за контрола и превенција на болести во земјата, Институтот Роберт Кох.

Анкетата покажа дека 57 отсто од испитаниците не им веруваат на податоците, додека 32 отсто сè уште мислат дека владата има кредибилитет кога станува збор за објавување на бројки за КОВИД.

Една од причините што ја наведува „Билд“ за недовербата е фактот што голем број лица хоспитализирани поради други причини лажно се вбројуваат како пациенти со КОВИД.

Сепак, недостатокот на доверба се протега и во спротивна насока, при што многу Германци веруваат дека владата не го известува точно вистинскиот размер на инфекции со Омикрон.

Германскиот министер за здравство, Карл Лаутербах, минатата недела призна дека целосниот опсег на ширењето на Омикрон „не е прецизно прикажан во официјалните бројки поради лажни негативни резултати со тестирање, како и доцнење во пријавувањето нови случаи“.

Институтот Роберт Кох одговори на анкетата обвинувајќи ги локалните здравствени власти дека не ги доставиле навреме здравствените податоци.

Истражувањето исто така покажа дека мнозинството Германци не се задоволни од одговорот на Берлин на пандемијата.

Неодамнешниот скандал со градоначалникот на Хамбург ќе ја влоши довербата во властите кога станува збор за официјалните бројки.

Питер Шенчер тврдеше дека невакцинираните претставуваат 95% од случаите на КОВИД. По истрагата на Сенатот, вистинската бројка беше откриена и изнесуваше само 14,3% проценти.

Share on Facebook

Tweet

Follow us

Save