INFOMAX.MK

Објавена е снимката која дава увид во моментите што доведоа до пукотницата во Минеаполис во која агентот на Службата за имиграција и царина (ICE) Џонатан Рос ја уби Рене Гуд. Видеото, како што потврди функционер на Министерството за внатрешна безбедност, го снимил самиот агент Рос со својот мобилен телефон, пишува CNN.

Видеото, кое првично го доби конзервативниот Alpha News со седиште во Минесота, а потоа и CNN, предизвика и политички реакции. Потпретседателот на САД, Џ.Д. Венс, го сподели на социјалната мрежа X, тврдејќи дека докажува дека животот на агентот бил во опасност.

„Погледнете го ова, колку и да е тешко. На многумина од вас им е кажано дека овој службеник за спроведување на законот не бил удрен од автомобил, не бил малтретиран и не убил невина жена. Реалноста е дека неговиот живот бил во опасност и тој пукал во самоодбрана“, објави Венс.

Клипот започнува со агентот Рос пред возило управувано од Гуд. Нејзиниот темноцрвен SUV бил запрен вертикално на средина од улицата, блокирајќи го сообраќајот. Рос се приближува до страната на автомобилот од страната на возачот без да каже ниту еден збор.

Низ спуштениот прозорец, Гуд може да се види како гледа директно во агентот. „Во ред е, човече. Не ти се лутам“, му вели таа. „Покажи си го лицето.“ Рос не одговара, а во одразот на прозорецот, може да се види како го држи мобилниот телефон и продолжува да снима.

Додека Рос шета околу возилото, му се приближува сопатничката која излегла од автомобилот претходно. „Не менуваме таблички секое утро, само да знаеш. Ова ќе биде истата табличка кога ќе дојдеш да разговараш со нас подоцна“, му вели таа, држејќи го мобилниот телефон пред неговото лице.

„Дали сакаш да нè нападнеш? Дали сакаш да нè нападнеш? Ти велам, оди земи си го ручекот, големо момче“, му се обраќа сопатничката пред да се обиде да се врати во возилото, но вратата е заклучена. Во тој момент, може да се слушне како друг полицаец и наредува на Гуд: „Излези од ебаната кола.“

Потоа Гуд го враќа автомобилот наназад, го свртува воланот надесно, подалеку од местото каде што стои полицаецот, и одеднаш тргнува напред. Рос извикува „уау“, по што следуваат три истрели. Снимката не покажува дали возилото го погодил агентот Рос, бидејќи камерата се насочува кон небото во тој момент. Сепак, претходните снимки направени од очевидец сугерираат дека контактот можеби се случил додека возилото се движело напред.

Watch this, as hard as it is. Many of you have been told this law enforcement officer wasn't hit by a car, wasn't being harassed, and murdered an innocent woman.

The reality is that his life was endangered and he fired in self defense. https://t.co/IfXAAxi9Ql

— JD Vance (@JDVance) January 9, 2026