(Видео) Откажани летови, поплави и прекини на струја: Америка парализирана од снежната бура
![t](https://infomax.mk/wp-content/uploads/2022/01/sneg-1.jpg)
Невреме ветрови со ураганска сила, проследено со обилни снежни врнежи, во саботата ги погоди североисточните делови на Америка и предизвика поплави во крајбрежните области.
Повеќе од 100.000 домови и продавници во Масачусетс останаа без струја поради снежното невреме што зафати ја држава.
Авиокомпаниите, според веб-страницата Флајтавер, откажаа речиси 6.000 летови за време на викендот на некои од најпрометните аеродроми во земјата, а железничкиот сообраќај од Бостон до главниот град Вашингтон е во прекин или ограничен.
Официјални лица од Вирџинија до Мејн ги предупредија жителите да не излегуваат на патиштата поради слабата видливост, а на Род Ајленд, каде беше издадено предупредување за снежна бура, сообраќајот на патници е забранет, освен во итни случаи.
„Ова е сериозно и луѓето од Род Ајленд мора да бидат подготвени. Најдобар начин да се справите со оваа бура е да не ја напуштите куќата“, рече гувернерот Ден Меки.
И гувернерката на Њујорк, Кејти Хокал, ги советуваше граѓаните да не излегуваат од дома и предупреди на екстремно ниски температури откако ќе помине невремето.
„Ова е многу сериозно невреме. Ние се подготвивме, но сепак може да ги загрози животите. Имате силен ветер, обилни снежни врнежи, виулици“, предупреди Хокал.
Жителите на североисточниот дел на САД, заедно со Масачусетс, се соочуваат со голем прекин на електричната енергија, а метеоролозите предупредуваат дека временските услови ќе се влошат и најавуваат дека по невремето ќе следи период со многу ниски температури и студ, објави претходно АП.
Градовите на североистокот на Америка во 10 сојузни држави, вклучувајќи ги Филаделфија, Њујорк и Бостон, исто така беа погодени од ледениот бран.
Повеќе од 45 сантиметри снег паднаа до пладне на делови од брегот на Њу Џерси и Ист Лонг Ајленд, а повеќе од 61 сантиметар снег и удари на ветер до 113 километри се очекуваат во Бостон на неколку места во Масачусетс, вклучително и Нантакет и Провинстаун на Кејп Кода, јави Танјуг.
Taken at 1:15pm today in Beverly, MA pic.twitter.com/gQ46FG70p6
— Josh (@Jishweh) January 29, 2022
Nor’easter just getting started in Boston. ❄️ pic.twitter.com/08uAcUkERc
— Jonathan Berk (@berkie1) January 29, 2022
ПОВРЗАНИ ВЕСТИ
САД: Неонацистичка група има намера да се…
Предизборната кампања во САД се соочи со…
САД ќе испратат борбено засилување на Блискиот…
Американската војска ќе распореди дополнителни борбени авиони…
Хантер Бајден ќе ја добие пресудата осум…
Хантер Бајден, синот на американскиот претседател Џо…
САД и Велика Британија ги повикаа нивните…
Амбасадата на САД во Бејрут и британската…
Хрватска набавува најмоќно оружје во својата историја:…
Хрватска го набавува најмоќното оружје што досега…