INFOMAX.MK

По повеќедневните насилства низ Еквадор, демонстрантите се судрија со војниците и со полицајците во главниот град Кито, но и во другите градови низ земјата, при што едно лице е убиено, а десетици се повредени.

Еквадорските домородни народи веќе дванаесет дена протестираат низ Еквадор, со барање до владата да ги намали цените на горивата, да воведе контрола врз цените на храната и повеќе да инвестира во образованието.

Конфедерацијата на домородни народи, која гi организираше протестите, соопшти дека едно лице починало од прострелни рани здобиени додека протестирало во близина на Националното собрание.

Esto no lo veras en tu TV neoliberal.
En #Ecuador miles de personas del movimiento indígena y popular se manifiestan contra el régimen neoliberal y antisocial del banquero Guillermo Lasso.
La represión policial y militar no ha podido con ellos!
Vencerán!pic.twitter.com/SgpS4GCHuq

— Manel Márquez (@manelmarquez) June 21, 2022

Властите признаа дека едно лице е убиено, а министерот за внатрешни работи изрази револт поради полициското однесување. Тој истакна дека владата не и одобрила на полицијата никаква употреба на оружје со смртоносна муниција и дека тие носеле само солзавец за да ги растераат демонстрантите.

Волонтер болничар, за американските медиуми вели дека на околу 100 лица им била укажана медицинска помош поради повреди на местото на протестот, вклучително и демонстранти, војници и полицајци.

#Ecuador: The military appear to be retreating in the face of mass mobilisations of the indigenous-led social organisations.
Footage from Quito, thanks to @correodelalba. pic.twitter.com/1AWRBCtdMS

— Denis Rogatyuk (@DenisRogatyuk) June 22, 2022

Демонстрациите се дел од поширокиот национален штрајк, што Конфедерацијата на домородни народи го почна на 14 јуни и со него бара намалување на цените на горивата, воведување контрола на цените на земјоделските производи и усвојување поголем буџет за образование.