Вонредна состојба во Грција: Беснее огромен пожар

Грчките власти евакуираа две населени места на островот Евија откако избувна голем шумски пожар, соопштија властите.

88 пожарникари и волонтери се борат со пожарот, поддржани од осум противпожарни авиони и шест хеликоптери, соопшти грчката противпожарна служба, пренесува Ројтерс.

Силните северни ветрови го отежнуваат гаснењето на пожарот и придонесуваат за ширење на нови жаришта, што доведува до евакуација на жителите од погодените подрачја, се вели во соопштението.

Грција, како и другите медитерански земји, е во зона на чести летни пожари, што научниците го поврзуваат со сè поизразените ефекти од климатските промени и долгите сушни периоди.

Share on Facebook

Tweet

Follow us

Save