Bojник на АРМ во мисијата КФОР починa во болница во Приштина

t

Во болница во Приштина вечерва околу 18:15 часот ненадејно почина професионалниот војник И.Ч (44), кој беше во состав на контингентот на Армијата на Република Македонија во мисијата КФОР, соопшти Генералштабот на Армијата.

На професионалниот војник кој извршувал должности во водот за обезбедување во командата на КФОР-запад во Пеќ, во текот на попладневните часови му се слошило, по што веднаш откако бил забележан од присутните е пристапено кон пружање прва помош од страна на надлежната санитетска служба во состав на контингентот.

Веднаш со воен хеликоптер во придружба на воен медицински персонал бил упатен во болница во Приштина како најблиска здравствена установа, каде што се пристапило кон реанимација, но по кратко време е констатирана смрт за која, според првичните наоди, причина најверојатно е срцев удар.

Од страна на Генералштабот по добивање на првичните информации со преземање на сите потребни процедури, трагичната вест е соопштена на неговите најблиски и во моментот во координација со сите надлежни институции се преземаат сите неопходни мерки за пренесување на посмртните останки на нашиот припадник во неговото место на живеење. По пристигањето на телото на нашиот починат мировник, погребот ќе биде со сите воени почести а во координација со неговата фамилија во време и место кое ќе биде одредено, се наведува во соопштението од ГШ на Армијата на Република Македонија.

ПОВРЗАНИ ВЕСТИ

Отворен ден на Армијата во Кичево

Министерството за одбрана и Армијата на Република…

Отворен ден на Армијата по повод четири…

Министерството за одбрана и Армијата на Република…

Аирлија: Стејт департментот одобри продажба на тактички…

Американскиот Стејт департмент одобри можна продажба на…

Петровска: Продолжува санацијата на сидриштето пред Центарот…

Санирањето на сидриштето за пловила пред Центарот…