Вучиќ: Ќе му покажеме на светот како се штитат националните и државните интереси на Србија
![t](https://infomax.mk/wp-content/uploads/2024/03/vucic.jpg)
Српскиот претседател Александар Вучиќ изјави дека Србија ќе се бори во Обединетите нации за да ги заштити своите национални интереси и дека на целиот свет ќе му покаже како ги штити своите државни и национални интереси.
„Ни претстои тешко време, но без разлика дали ќе загубиме формално, речиси сум сигурен дека тоа ќе биде со мала разлика и сигурен сум дека ќе му покажеме на светот како се штитат националните и државните интереси на нашата земја. Ви благодарам на сите за вниманието, ви благодарам на сите за љубовта кон Србија“, вели Вучиќ во видеото објавено на социјалните мрежи.
Вучиќ вчера учествуваше на седницата на Советот за безбедност на која беше презентиран шестмесечниот извештај за работата на УНМИК, по што српската делегација приреди прием во ОН, на кој, според Вучиќ, присуствувале 125 гости.
„Среќен сум затоа што се боревме и сакам да им кажам на сите луѓе во Србија дека ветив само едно пред да заминам за Њујорк. А тоа е дека ќе се бориме до последен момент без разлика на сите лични и какви било други ризици. Сакам да им се заблагодарам на сите луѓе кои работеа и ја подготвија седницата на Советот за безбедност, кои ми помогнаа да се спротивставам на нешто што личеше на местенка, на политички театар“, рече Вучиќ.
Тој им се заблагодари на сите луѓе во Србија кои, како што истакна, веруваат во својата земја, кои веруваат во нивното лидерство и кои знаат дека Србија на крајот ќе победи.
Нашата борба никогаш нема да заврши. Ви благодариме луѓе за огромната поддршка и љубов што ја покажуваат кон нашата Србија. Србија ќе победи!“, напиша Вучиќ на социјалните мрежи.
ПОВРЗАНИ ВЕСТИ
Вучиќ: Курти се обидува да предизвика војна
Претседателот на Србија, Александар Вучиќ обвини дека…
Протести ширум Србија: Граѓаните не сакаат ископ…
Во градовите ширум Србија вечерва се одржуваат…
В.д. директорот на Поштата на Србија: Продолжен…
В.д. директорот на Поштата на Србија, Зоран…
Србија ќе го награди Ноле со државна…
Новак Ѓоковиќ го освои златото на Олимписките…
Нов протест на Србите во Косово утре
Жителите на српските средини во Косово утре…