Германија воведува нови мерки и огpaничувања за угостителските објекти
![t](https://infomax.mk/wp-content/uploads/2021/01/virus-germanija-korona-kovid.jpg)
Германските власти планираат да ги заострат мерките за борба против пандемијата на коронавирус, што ќе вклучи дополнителни ограничувања на пристапот до угостителските објекти, објавија германските медиуми пред состанокот на претставниците на федералните и провинциските власти.
Посетата на угостителските објекти во иднина треба да биде овозможена само за оние кои се вакцинирани, кои прележале коронавирус или имаат негативен тест, пишуваат повеќе медиуми, повикувајќи се на учесниците на состанокот.
Досега посетите на ресторани и кафулиња беа можни според т.н. Правило 2Г, односно оние кои имаа сертификат дека се вакцинирани или имале коронавирус. Во исклучителни случаи се применуваше правилото 2Г+ кое вклучуваше задолжителен негативен тест. Сега тој тест може да се замени со потврда за дополнителна вакцинација.
За посета на културни и спортски објекти како и малопродажба, со исклучок на продавници за секојдневни потреби, важи правилото 2Г, односно пристап само за вакцинираните и оние кои го преживеале вирусот.
Претставниците на федералните и провинциските влади сакаат дополнително „експлицитно да препорачаат“ носење маски ФФП2, но тие нема да бидат задолжителни, па сепак е дозволено да се носат т.н. операциски маски. Текстилните маски се уште не се дозволени.
Како што јавуваат германските медиуми, министерот за труд Хубертус Хајл се залага работодавачите секаде каде што е можно да овозможат работа од дома.
Властите во наредните денови планираат уште еднаш да им се обратат на оние кои досега не се вакцинирани за да ги убедат да го сторат тоа.
ПОВРЗАНИ ВЕСТИ
15-годишно момче загина од удар на гром…
15-годишно момче загина од удар на гром…
Германија останува најголемиот финансиер на Европската унија
Како најголем нето финансиер на Европската унија,…
Десеткратно зголемување на бројот на заразени од…
Во текот на месец јули, пријавени се…
Германија ги повика своите граѓани или да…
Германското Министерство за надворешни работи повторно ги…
Расте бројот на заболени од Ковид во…
Од 29 јули до 4 август во…