Груби оптимист: Многу позитивна атмосфера и многу топло гостопримство од нашите бугарски колеги, очекувам резултатите од посетата во Софија
![t](https://infomax.mk/wp-content/uploads/2022/01/grubi_bg.jpg)
Како дел од официјалната посета на македонската владина делегација во Софија и продлабочување на билатералната соработка меѓу двете земји, првиот потпретседател на Владата и министер за политички системи и односи меѓу заедниците, Артан Груби денеска присуствуваше на средбата на Работната група од областа на образование, култура, наука и млади.
Придружуван од министерката за култура Бисера Костадиновска-Стојчевска и министерот за образование и наука Јетон Шаќири, Груби по средбата го изрази својот оптимизам за позитивната атмосфера и постигнувањето на многу заеднички проекти меѓу двете земји.
Многу позитивна атмосфера и многу топло гостопримство од нашите бугарски колеги и штотуку ја завршивме првата седница на Комисијата за култура, образование и наука, млади и спорт и туризам и јас сум оптимист за постигнувањето на многу заеднички проекти кои ќе ги реализираме во следните месеците, истакна тој.
Како што соопшти прес-службата на Министерството за политички системи и односи меѓу заедниците, на средбата биле истакнати заедничките приоритети на кои двете држави ќе работат во наредниот период, а тоа се објавување на огласот за лого и слоган на заедничките владини седници, составување на заеднички културен календар, унапредување на соработката меѓу универзитетите од двете земји за поатрактивни студиски програми, размена на искуства и можност за практична настава, организирање заеднички научни конференции, како и организирање фудбалски натпревар меѓу владините кабинети.
Во соопштението се додава дека ќе се интензивира соработката помеѓу Агенцијата за млади и спорт и бугарското Министерство за млади и спорт. Исто така, ќе се реализира заемно промовирање на атрактивните туристички дестинации и продлабочување на соработката во областа на туризмот како силна предиспозиција на економскиот развој.
ПОВРЗАНИ ВЕСТИ
Се огласија од Бугарија: Мицкоcки манипулиpа, има…
Националното претпријатие за железничка инфраструктура, кое е…
Бугарскиот парламент забрани промоција на нетрадиционална сексуална…
По повеќе од 4 часа дебати и…
Траги-комедија во Бугарија: Огромен крокодил живее меѓу…
Двометарски нилски крокодил живее во јама на…
Земјотрес во Бугарија
Слаб земјотрес со јачина од 2,3 степени…
Се крчкаат нови предвремени избори во Бугарија
Бугарската партија „Има таков народ“ (ИТН) утре…