Добра вест: Наставниците ќе земат цела плата за периодот во кој штрајкуваа

Прифатени се сите препораки на посредникот кој согласно позитивните правни прописи беше назначен да управува со процесот на преговори за надминување на предизвиците помеѓу Министерството за образование и наука Синдикатот за образование, наука и култура. Претставниците на двете страни се согласија да има покачување на платите на вработените во основните и средните училишта за 15% почнувајќи од септември годинава, а воедно и да нема кратење на платите за минатиот месец кога поради генералниот штрајк, 12 дена не се реализираше настава.
МОН и СОНК ги усогласија и ставовите за потпишување на нови колективни договори за основно и средно образование кои одат во прилог на унапредување на општествената и економска положба на вработените во двете области. Исто така, утврдена е и нова методологја за постојан раст на платите во образованието, како и спроведување на низа други заеднички активности за унапредување на воспитно – образовниот процес во училиштата.
Двете страни ги прифатија предлозите на посредникот кој се вклучи во преговарачкиот процес и тоа е нотирано во записникот кој е потпишан од учесниците на последниот состанок со кој процесот на преговори со посредство на трета страна завршуваат. Воедно, со тоа се потврди и дека опцијата за надминување на предизвици со помош на посредник е ефикасна и ќе овозможи продолжување, но и јакнење на социјалниот дијалог помеѓу МОН и СОНК, кои остануваат партнери фокусирани на градење подобар и поквалитетен национален образовен систем.
ПОВРЗАНИ ВЕСТИ
Ученици поправале оцени во е-дневник, МОН бара…
Упад во системот на електронскиот дневник, кој…
МОН: Нови конкурси за сместување во студентските…
Министерството за образование и наука известува дека…
За вработените во образование утврдена минимална плата…
По неколку „tet-a-tet“ средби на претседателот на…
Џабе лаги и префрлање на вина: МОН…
Министерката за образование и наука, Весна Јаневска,…
Под слоганот „Немате оправдувања, покачете ги платите!“…
Пред самиот почеток на учебната година, јасно…