Доцнат платите за наставниците

До редакцијата на „Инфомакс“ пристигнаа коментари и информации дека веќе со денови доцни исплатата на декемвриската плата за наставниците во основното и средното образование.

Просветните работници кои законски своите плати треба да ги добијат до десетти во месецеот, a денеска скоро десет дена подоцна од предвидениот рок се уште немаат добиено ништо.

Граѓаните се изреволтирани и на социјалните мрежи прашуваат до каде се нивните месечни плати.

„Инфомакс“ побара одговор од Министерството за образование и наука.

„Постапката за исплата на плати е целосно завршена во МОН. Понатаму, општините ги префрлаат средствата кон вработените во училиштата. 

Доколку имате информација дека во одредена општина не е реализирана исплатата, потребно е да се обратите до локалната самоуправа “ – велат од МОН.

Испративе прашања и до Министерството за финансии и Државниот просветен инспекторат, но до сега од таму не добивме одговор.

Share on Facebook

Tweet

Follow us

Save