Драматична ноќ во Париз: се урна кат од зграда, повредени се 20 лица

Се урна петтиот кат од станбена зграда во 11-тиот арондисман во Париз врз четвртиот кат во истата зграда, во моментот кога околу педесет лица беа собрани на забава во станот чиј кат се урна при што 20 од нив се повредени, соопшти противпожарната бригада.

За време на уривањето на катот од зградата, што се случи кога подот од приватен стан на петтиот кат се урна за време на прослава, едно лице беше тешко повредено и имаше срцев удар, а 19 лица претрпеа полесни повреди, јавува телевизијата BFM.

PARIS : 20 personnes ont été blessées, dont une grièvement, après l'effondrement d'un étage d’immeuble lors d'une soirée où étaient réunies une cinquantaine de personnes dans un appartement rue Amelot, dans le 11ᵉ arrondissement. (AFP / Actu17)pic.twitter.com/lg3SJyBQsn

— Infos Françaises (@InfosFrancaises) January 18, 2026

Пожарникарите ги извлекоа сите повредени од урнатините, од кои службите за итни случаи пренесоа 16 лица во болница.

Пожарникарите беа известени во 00:20 часот дека петтиот кат од шесткатна зграда на адреса Амело 34 во Париз се урна врз четвртиот кат. После тоа, зградата, заедно со две соседни згради, беше евакуирана, но станарите на двете соседни згради се вратија во своите станови во текот на ноќта.

Share on Facebook

Tweet

Follow us

Save