Државната матура повторно доведена во прашање – испитниот центар продолжува со штрајкот
![t](https://infomax.mk/wp-content/uploads/2019/03/drzavna-matura-688x420-1.jpg)
Синдикатот на Државниот испитен центар објви дека го продолжува генералниот штрајк кој беше ставен во мирување во мај оваа година. Велат дека потфрлиле надлежните институции кои беа задолжени да изнајдат решение за нивниот долгогодишен проблем со платите.
„Вработените во Државниот испитен центар (ДИЦ) излегоа во пресрет на матурантите и во многу кратки рокови со надчовечки напори ја реализираа навремено и успешно државната матура како и другите процеси и активности во надлежност на ДИЦ. Во овие седум месеци откако штрајкот беше ставен во мирување, ДИЦ беше во континуирани преговори со Министерството за финансии при што беа предложени и доставени на одобрување повеќе можни решенија, но за жал ниту едно не беше прифатено“, велат од ДИЦ.
Како што се додава, активностите кои се спроведуваат во овој период во ДИЦ, а чија реализација ќе биде доведена во прашање се: стручниот испит за наставници и стручни соработници (пријавени 700 кандидати), основната обука за кандидати за директори, напредните обуки за директори, меѓународните тестирања, а доколку овој проблем не се реши повторно ќе биде доведена во прашање и државната матура која со своите активности започнува од 1.1.2024 година.
Од ДИК им се извинуваат на сите лица кои ќе имаат потреба од услугите на Државниот испитен центар а кои со штрајкот ќе им бидат ускратени.
ПОВРЗАНИ ВЕСТИ
Ѓурѓај: Исправен терминот „северномакедонци“ во резултатите од…
Народниот правобранител на Албанија одговори на дописот…
ОБИД ЗА УБИСТВО НА БЕНЗИНСКА ВО СКОПЈЕ!
СВР Скопје поднесе кривична пријава против А.А.(34)…
16 пожари во Македонија, само 6 се…
До 13 часот денеска, евидентирани се вкупно…
Филипче до Гир: Се сомневам во намерите…
Претседателот на СДСМ, проф. д-р Венко Филипче,…
Неколку здравствени институции добија нови директори
Министерството за здравство информира дека министерот Арбен…