Дронот што експлодираше во Бугарија е украински? Украинскиот амбасадор повикан во бугарското МНР на разговор

Дронот што се урна во Бигарска најверојатно ѝ припаѓа на украинската војска, јавуваат локалните медиуми. Бугарското Министерство за надворешни работи го повика украинскиот амбасадор поради инцидентот.

Веројатно станува збор за дрон-мамка „Маја“, јавуваат бугарските медиуми, повикувајќи се на Министерството за одбрана.

Дронот е широко користен од украинската војска.

-Бугарското Министерство за одбрана објави дека прелиминарната анализа на остатоците од дронот покажува дека најверојатно станува збор за дрон „Маја“. Ваквите дронови често ги користи украинската војска, според извештаите на медиумите.

Бугарскиот премиер Румен Радев денес изјави дека дронот влегол во бугарскиот воздушен простор од правец на Романија и експлодирал на околу 100 метри на бугарска територија, во близина на поранешниот граничен премин Кардам.

Радев изјави по состанокот на Советот за безбедност на бугарската влада дека инцидентот се случил во 8:10 часот наутро. Тој рече дека инцидентот се случил на околу еден километар од компресорската станица на Трансбалканскиот гасовод, кога дронот паднал во поле со сончоглед.

Share on Facebook

Tweet

Follow us

Save