Дeпopтираната Ворачова ќе бара компензација од Австралија опен
![t](https://infomax.mk/wp-content/uploads/2022/01/renata-voracova.jpg)
Чешката тенисерка Рената Ворачова потврди дека ќе побара компензација од организаторите на Австралија опен по апсењето во Мелбурн поради истиот „престап“ како Новак Ѓоковиќ минатата недела и беше депортирана од Австралија.
За разлика од Ѓоковиќ, на Ворачова ѝ беше дозволен влез во Австралија со „медицински исклучок“ по неодамнешен позитивен тест, но откако играше на еден подготвителен турнир, таа беше уапсена и пратена во истиот центар за имигранти како и Ѓоковиќ. Таа реши да не се жали и во саботата беше депортирана од Австралија.
„Компензацијата нема да биде мала. Авиобилетот чинеше 60.000 чешки круни (2.460 евра), а мојот тренер патуваше со мене. Тука беа и потрошеното време, хотелите, тренинзите за гренд слемот, потенцијалната награда. Се надевам дека Тенис Австралија ќе биде фер и нема да треба да одиме на суд“, изјави 38-годишната Ворачова, која е рангирана на 82. место во двојки за чешкиот весник „Деник“.
Таа пристигна во Прага во понеделникот и вели дека ѝ се смачил тенисот.
„Воопшто не размислувам за тенис. Уште сум во шок, не сум размислила добро. Преуморна сум за тенис. Не очекував вакво нешто ни во најцрните соништа. Не се чувствував безбедно додека не се вратив. Како да гледав филм – долго испитување со инструкции како ‘облечи се, соблечи се’. Не сакам ниту да помислам на тоа повторно, а не да го проживеам“, додава Ворачова.
ПОВРЗАНИ ВЕСТИ
Австралија ќе обезбеди рекорден пакет воена помош…
Австралиската влада ќе и го обезбеди на…
Австриецот Шварцлер го освои „Македонија Опен“
Младиот 18-годишен австриски тенисер Жоел Шварцлер е…
Австралија ќе назначи специјален советник за истрага…
Австралиските власти ќе назначат специјален советник кој…
Тинејџерка избодела соученик во училиште во Перт
15-годишно девојче е обвинето дека избодело 16-годишно…
Австралија им се извини на жртвите од…
Скандалот со талидомид е „едно од најтемните…