Објавено на:

Еве што бара Украина на преговорите во Белорусија!

t

Клучното прашање на преговорите за Киев е да се постигне итен прекин на огнот и повлекување на руските трупи од украинска територија, објави кабинетот на претседателот Зеленски во момент кога започнуваат мировните преговори во Белорусија. Делегацијата на Киев пред малку пристигна на украинско-белоруската граница за да учествува во преговорите со руската делегација.

Украинската делегација дојде со два хеликоптери, како што јави руската агенција Риа Новости. Белоруското Министерство за надворешни работи во понеделникот наутро објави фотографија од просторијата за преговори, објавувајќи дека локацијата е подготвена.

Руската делегација, предводена од Владимир Медински, помошник на претседателот Владимир Путин и поранешен министер за култура, во саботата пристигна во Гомел, источна Белорусија. Украинските власти првично одбија да испратат делегација во Белорусија, тврдејќи дека е несоодветно да се водат разговори во земјата бидејќи руските трупи ја користат нејзината територија за да организираат напади. Минск негираше дека неговите сили учествувале во руската операција.

По телефонскиот разговор меѓу претседателите Володимир Зеленски на Украина и Александар Лукашенко од Белорусија во саботата, Киев се согласи на разговорите. Сепак, доаѓањето на украинскиот тим дополнително беше одложено поради логистички проблеми.

Украинскиот претседател Володимир Зеленски изјави во неделата дека „навистина не верува“ дека преговорите ќе вродат со плод, но сепак смета дека тоа е „шанса, колку и да е мала, да се деескалира ситуацијата“.

ПОВРЗАНИ ВЕСТИ

Простак: Албанецот Даку по ремито со Хрватска:…

Албанија се спаси од пораз против Хрватска…

(Фото) Сообраќајна незгода кај Собрание

Пред малку се случи сообраќајна незгода во…

Што се случува во Вардар? Многу ветувања,…

Фудбалот е во центарот на вниманието ова…

Комеморативна седница по повод смртта на Стојан…

Со едноминутно молчење во Собранието денеска му…

КАДЕ ЛИ ЗАМИНАЛЕ? Се трага по 7…

Полицијата трага по седум лица од Непал…