Ердоган во посета на Украина: Ќе ги смирува со Русија
Турскиот претседател Реџеп Таип Ердоган денеска ќе престојува во посета на Украина и, како што е најавено од неговиот кабинет, ќе се обиде да ги смири растечките тензии со Русија. Советникот за надворешна политика Ибрахим Калин деновиве изјави дека Ердоган ќе разговара со претседателот Володимир Зеленски, но и дека ќе остане во близок контакт со Русите. „Турција останува на располагање за секоја улога што може да ја одигра во намалувањето на тензиите меѓу Русија и Украина“, рече Калин.
Турција која е членка на НАТО не ја призна руската анексија на украинскиот полуостров Крим во 2014 година. Тензиите меѓу Западот и Русија се зголемуваат во последните недели поради стравот на западните земји од руска инвазија на Украина. Инаку, во рамките на посетата на Ердоган на Украина ќе се одбележи и 30-годишнината од воспоставувањето дипломатски односи меѓу Анкара и Киев. Предвидено е и потпишување договор за слободна трговија меѓу двете земји.
ПОВРЗАНИ ВЕСТИ
„Илинденска“ Скопје via Москва: Директни пипци од…
Ќерката на вицепремиер во земја членка на…
Полска бара земјите од ЕУ да ја…
Полскиот министер за надворешни работи Радослав Сикорски…
Зеленски: Подготвуваме уште четири нови безбедносни договори
Украинскиот претседател Володимир Зеленски денеска објави дека…
Кремљ го поздрави ставот на Зеленски за…
Русија денеска позитивно одговори на коментарите на…
Силен земјотрес ја погоди Турција, се почуствува…
Земјотрес со размери од 4,8 степени според…