Ердоган му се закани на Израел: Ќе испратам војска против вас

Турскиот претседател Реџеп Таип Ердоган му се закани на Израел со воена акција против нив, наведувајќи ја можноста за испраќање турски трупи.

„Исто како што влеговме во Карабах, исто како што влеговме во Либија, истото ќе го сториме и со нив (Израел)“, го цитираше весникот „Џерусалем пост“.

Според турскиот лидер, Анкара би можела да започне воени операции за да го спречи Израел да ги протера Палестинците од нивните територии.

„И покрај прекинот на огнот, Израел принуди 1,2 милиони Либанци да ги напуштат своите домови поради напади врз цивилни населби. Мора да бидеме силни за да го спречиме Израел да го стори истото со Палестина“, објасни Ердоган.

Неговата изјава предизвика остра реакција од израелскиот министер за Ерусалим и наследство, Амихај Елијаху, кој го нарече турскиот претседател „диктатор-мегаломан со империјални амбиции“, објави весникот. Тој, исто така, објави дека ќе ѝ предложи на израелската влада целосно прекинување на дипломатските односи со Турција. Во саботата, турското Министерство за надворешни работи остро го критикуваше израелскиот премиер Бенјамин Нетанјаху за неговиот став во врска со разговорите меѓу САД и Иран, како и за неговите напади врз Ердоган.

Share on Facebook

Tweet

Follow us

Save