ЕУ започна истрага против МЕТА: „Фејсбук и Инстаграм може да имаат ефект на „зајачка дупка“ кај децата?!“
![t](https://infomax.mk/wp-content/uploads/2022/03/meta.jpg)
Европската унија започна истрага против Мета, сопственикот на социјалните платформи Фејсбук и Инстаграм, за да утврди дали нејзините производи или услуги предизвикуваат зависност кај децата. Европската комисија објави дека отвора истрага за потенцијално прекршување на Законот за дигитални услуги во делот кој се однесува на заштитата на малолетниците.
Постои можност Фејсбук и Инстаграм да ги искористат слабостите и неискуството на малолетниците, предизвикувајќи зависно однесување, се вели во соопштението на Комисијата со кое се најавува отворање на истрагата. Меѓу другото, ќе се проверува колку се доверливи инструментите за проверка и потврдување на возраста на корисникот и дали ги задоволуваат напорите на компанијата да обезбеди највисоко ниво на приватност и безбедност на малолетниците.
„Не сме убедени дека Мета направи доволно за да се осигура дека нејзините услуги се усогласени со обврските од Законот за елиминирање на ризикот од негативни последици по физичкото и менталното здравје на младите Европејци на платформите Фејсбук и Инстаграм. Се вели во соопштението на комесарот Тиери Бретон.
„Нема да штедиме напори да ги заштитиме нашите деца“, додаде Бретон, нагласувајќи дека фокусот ќе биде ставен на потенцијалот за зависност и „ефектот на дупка од зајаците“ од детската употреба на гореспоменатите платформи. Во случајот на второто, тоа е настан кога дете гледа штетна содржина, а потоа платформата му нуди уште повеќе такви содржини.
Во својот одговор на оваа вест, технолошкиот гигант изјави дека „работи една деценија на развој на повеќе од 50 алатки, ресурси и функции кои имаат за цел да ги заштитат младите луѓе“. „Ова е предизвик со кој се соочува целата наша индустрија, така што продолжуваме да ги подобруваме решенијата што секој може да ги користи за да обезбеди проверка на возраста во сите тинејџерски апликации“, рече портпаролот на Мета, додавајќи дека компанијата „со нетрпение очекува да работи и да споделува податоци со Европска комисија”.
Потегот на ЕУ е последен во серијата темелни проверки на работењето и деловната етика на META. ЕУ усвои сеопфатен акт насочен кон чистење на онлајн платформите и заштита на интернет корисниците во ЕУ. Не е одреден рок за завршување на истрагата. Сепак, Брисел би можел да ја казни Мета до шест отсто од глобалниот годишен профит.
ПОВРЗАНИ ВЕСТИ
ЕУ мобилизира дополнителна помош за борба против…
По упатеното барање за помош од Македонија,…
Ова се најзадолжените држави во ЕУ!
Долгот во еврозоната е во пораст, покажуваат…
ЕУ ќе ѝ префрли на Украина 1,5…
ЕУ ќе и префрли на Украина 1,5…
Секој петти автомобил во ЕУ ќе функционира…
Српскиот литиум, привлекува големо внимание во последните…
Унгарија ја тужи ЕУ
Унгарија ја тужи Европската Унија, со цел…