Започнува „скрининг“ на населението: Ќе дознаеме колку и дали имаме постигнато колективен имунитет
![t](https://infomax.mk/wp-content/uploads/2022/02/peshachki-premin-semafori-ulica-gragjani-dvokate-avtobus-JSP-Rekord.jpg)
Од денеска почнува скрининг-тестирањето по случаен избор кое треба да покаже дали и каков имунитет на КОВИД-19 има населението во земјава за да и помогне на Комисијата за заразни болести и на државата во планирањето на идните мерки. Тестирањето се планира да се прави на примерок од 1.000 испитаници во Скопје, но има можност да се прошири во целата земја за да се добијат пореални податоци за имунизацијата во овој момент.
Претседателот на Комисијата за заразни болести Александар Петличковски минатата недела информираше дека вакво тестирање било направено пред една година и тоа покажало дека околу 30 отсто од испитаниците биле серопозитивни, односно имале некаков имунитет, кој се должел исклучиво на прележаната болест.
Министерот за здравство Беким Сали најави серолошка анализа на целата територија на државата.
– Оваа анализа ќе ни покаже реално колку сме имунизирани. Имаме евиденција колку сме вакцинирани, колку се со една, две, три вакцини, со какви вакцини. Но, знаејќи дека особено сојот омикрон поминува со полесна клиничка форма, голем број од нашето население не отишле за ПЦР-тест или сами го поминале омикронот во домашни услови. И сакаме да имаме јасна слика колку од нашето население го поминале ковидот и врз основа на овие резултати, ќе имаме една слика и мислам ќе излеземе пред јавноста да речеме дека според нашите бројки, евиденцијата која ја имаме, 41 процент се имунизирани со вакцина, но врз основа на истражувањето, можеби, сме 60 проценти имунизирани на природен начин, изјави министерот за здравство.
Вчера беа регистрирани нови 920 случаи на Ковид-19 од 3.338 тестови или 27,5 отсто, починати 11 лица и оздравени 1.190 пациенти. Евидентирани се 119 реинфекции.
Од вкупниот број на починати лица (n=11), 6 лица се целосно вакцинирани, кај 9 лица се регистрирани коморбидитети.
Досега во земјата се направени 1.846.264 тестирања на КОВИД-19. Вкупната бројка на КОВИД-дијагностицирани лица од почетокот на епидемијата изнесува 287.016, бројот на оздравени пациенти е 267.134, на починати е 8.747, а активни случаи се 11.135.
Според епидемиолошки анализи во моментов, најмногу активни има во Скопје – 6314, следи Битола 519, Куманово – 470, Кавадарци – 447, Тетово – 416, Прилеп – 362, Велес – 331, Охрид – 275, Струмица – 239, Гостивар – 234. Во другите градови има под 200 заразни. Најмалку активни случаи има во Дојран, само пет.
Во светот досега се заразиле над 411 милиони жители, починале 5,8 милиони лица и оздравеле околу 332 милиони луѓе.
Во Канада продолжуваат судирите меѓу канадската полиција и демонстрантите, кои завчера вечерта го блокираа клучниот мост кон САД, и тоа повеќе од седум часа откако властите во воведоа вонредна состојба и одлучија да ја прекинат блокадата на овој важен трговски коридор.
Демонстрантите против строгите владини ограничувања наметнати од пандемијата, го зазедоа и шест дена го држат под блокада мостот „Амбасадор”, нарушувајќи ја меѓународната трговија.
Инспирирани од Канада, противници на мерките против Ковид-19 во Франција организираа протест „Конвојот на слободата”. Париската полиција завчера приведе 97 лица од протестот.
Противниците на мерките во Франција за намалување на ширењето на коронавирусот повикаа на протест со возила. Тие се противат на построгите правила за лицата кои не се вакцинирани.
Скопје, 14 февруари 2022 (МИА)
ПОВРЗАНИ ВЕСТИ
Десеткратно зголемување на бројот на заразени од…
Во текот на месец јули, пријавени се…
Расте бројот на заболени од Ковид во…
Од 29 јули до 4 август во…
Коронавирус на Олимписките игри, 40 спортисти се…
Светската здравствена организација објави дека повеќе од…
Вучевиќ е позитивен на Корона, пред неколку…
Премиерот на Србија, Милош Вучевиќ е позитивен…
Бајден позитивен на Ковид
Претседателот на САД, Џо Бајден, се тестираше…