Застаре дел од случајот „Талир 1“, за нелагалното финансирање на ВМРО-ДПМНЕ, судењето ќе почне од почеток по 6-ти пат

Случајот „Талир 1“, за незаконското финансирање на ВМРО-ДПМНЕ, веќе шест години се влече низ судските лавиринти, а следната недела ќе почне од почеток по дури 6-ти пат.

Денешното рочиште се одложи, а во меѓувреме застаре кривичното дело Злоупотреба на службената положба и овластување, за кое се гонеа екс премиерот Никола Груевски и Кирил Божиновски, а остана само кривичното дело за перење пари.

-Денешнтот одлагање значи дека судењето наредниот пат ќе треба да почне по 6-ти пат, и би рекла дека во овој случај стратегијата на обвиентите, меѓу другото е фокусирана на одложување на оваа постапка, бидејќи само преку застареност можат да се спасат од одговорност, бидејќи се работи за предмет за кој и самите се свесни дека обвинителството поседува цврсти докази. Настапена е застареност на предикатното кривично дело, односно на злоупотребата на службената положба и овластување, поради истек на законските рокови, а порад измените на Кривичниот законик во 2023 година. Меѓутоа и покрај застарениот предикат, согласно Закон и постоечката судска пракса, не постојат пречки да се гони перењето пари во овој случај, за кое застареноста настапува во 2035 година, рече обвинителката Ленче Ристоска.

Во случајот се обвинети екс-премиерот Груевски, како и Илија Димовски, Кирил Божиновски, Леко Ристовски и Миле Јанакиески. Предметот започна во февруари 2019 година, а поради сложеноста и бројот на сведоци, судскиот процес постојано се одолговлекува.

Share on Facebook

Tweet

Follow us

Save