Зеленски: Украина контролира 74 населени места на руска територија
Претседателот на Украина Володимир Зеленски денеска изјави дека неговата земја контролира 74 населени места на руска територија, каде што украинските сили минатата недела започнаа изненадувачка офанзива која принуди десетици илјади цивили да побегнат.
„И покрај тешките и интензивни борби, напредокот на нашите сили во областа Курск продолжува. Има 74 населени места под контрола на Украина,“ информираше Зеленски преку апликацијата „Телеграм.“
Зеленски додаде дека украинските сили напреднале за 1-3 километри во последните 24 часа.
На видеоконференциска средба со Зеленски, главиот командант на украинските вооружени сили, генерал Олександр Сирски, изјавил дека украинските сили зазеле нови 40 квадратни километри територија во последните 24 часа.
Малку подоцна вечерва, во своето дневно обраќање до граѓаните, Зеленски изјави дека Украина уште еднаш докажала дека е способна да ја преземе иницијативата..
„Ние уште еднаш докажавме дека во која било ситуација, ние, Украинците, сме способни да ги постигнеме нашите цели. Способни сме да ги одбраниме нашите интереси и нашата независност,“ нагласи украинскиот претседател.
ПОВРЗАНИ ВЕСТИ
Зеленски: Новата помош од Америка доаѓа во…
Претседателот на Украина Володимир Зеленски изјави дека…
Лавров: Москва е подготвена на преговори со…
Москва е подготвена за преговори за решавање…
„Фајненшл тајмс“: Трамп ќе ја принуди Украина…
Новоизбраниот американски претседател Доналд Трамп наметнува мировен…
Вучиќ: Со Трамп мирот во Украина е…
Потребен е рационален пристап за да се…
Медведев повторно се заканува: Директен конфликт меѓу…
Директен конфликт меѓу Русија и САД, доколку…