Златото ги руши сите рекорди: 4.620 долари за унца

Цената на златото денес повторно порасна, на рекордни 4.620 долари за унца, бидејќи инвеститорите бараат безбедни засолништа поради зголемените геополитички тензии и загриженоста за независноста на Федералните резерви на САД (ФЕД).

Вредноста на скапоцениот метал скокна откако претседателот на ФЕД, Џером Пауел, во неделата откри дека му се закануваат кривични обвиненија за сведочењето пред Сенатот минатиот јуни, критикувајќи го потегот како дел од притисокот на американскиот претседател Доналд Трамп врз централната банка да ги намали каматните стапки, објави „Трејдинг економикс“.

Дополнителен притисок врз растот дојде од очекувањата за понатамошно намалување на каматните стапки во САД откако податоците од петокот покажаа дека растот на работните места во декемврки се забави повеќе од очекуваното.

Трговците, оваа година сметаат на две намалувања на каматните стапки.

Пазарите сега се фокусирани на овогодинешниот извештај за инфлацијата во САД за дополнителни индиции за траекторијата на монетарната политика на централната банка.

Share on Facebook

Tweet

Follow us

Save