Избран наследникот на Меркел: Денес изгласан нов претседател на германската Христијанско-демократска унија
![t](https://infomax.mk/wp-content/uploads/2022/01/merkel_merc.jpg)
Фридрих Мерц денеска на партиска конвенција со големо мнозинство е избран за нов претседател на германската Христијанско-демократска унија (ЦДУ).
„Длабоко сум трогнат и изненаден од овој резултат“, рече 66-годишниот Мерц по објавувањето на резултатите на партиската конвенција одржана онлајн. За Мерц гласале 94,6 отсто од пратениците на конвенцијата. Со ова се потврди изборот на партиската база која на Мерц му даде најмногу гласови на внатрешниот избор за нов претседател на партијата во декември.
Мерц е познат како претставник на конзервативното крило на партијата и досега најави дека ЦДУ ќе се врати на конзервативните насоки од кои, според многу членови, партијата отстапила поради либералниот курс што го водела долгогодишната претседателка на партијата и германска канцеларка Ангела Меркел.
Во својот говор на конвенцијата, што првично требало да се одржи во Хановер, но бил префрлен онлајн поради епидемиолошката ситуација, Мерц се свртел кон новиот германски канцелар Олаф Шолц (Социјалдемократската партија на Германија СПД).
„Шолц прави премалку кога станува збор за посредувањето меѓу САД и Русија. Поранешните канцелари би покажале поголема решителност“, рече Мерц. Тој апелира до ЦДУ и сестринската Христијанско-социјална унија (ЦСУ), со која ЦДУ ја формира Христијанско-демократската унија, да покажат решителност како најсилна опозициска група во парламентот.
„Тоа што се случи минатата година не смее да се повтори“, рече Мерц, алудирајќи на несогласувањата меѓу врвот на ЦДУ и ЦСУ. Веднаш по изборот на базата во декември, Мерц го посети претседателот на ЦСУ Маркус Содер, демонстрирајќи ја блискоста на двете партии.
Местото претседател на ЦДУ остана празно откако актуелниот претседател Армин Лашет објави дека поднесува оставка по само една година по поразот на парламентарните избори во септември.
Мерц е трет претседател на ЦДУ откако Анегрет Крамп-Каренбауер првпат беше избрана кон крајот на 2018 година по оставката на тогашната канцеларка Меркел од раководството на партијата, а по неа Лашет.
Мерц се појави и во двата случаи како противкандидат, но загуби од кандидатите кои беа познати како избор на Меркел. Мерц и Меркел никогаш не негувале добри односи, што кулминира со отфрлање на поканата за вечера што Мерц им ја упати на сите поранешни претседатели на партијата.
Откако Меркел дојде на чело на партијата, Мерц влезе во конфликт со подоцнежниот канцелар, по што неколку години се повлече од политиката. Критичарите го обвинуваат Мерц дека е премногу интимен со индустријата и за фактот дека бил член на надзорниот одбор на американскиот финансиски фонд Блекрок во времето кога се повлекол од политиката.
ПОВРЗАНИ ВЕСТИ
Правдата за злосторството врз Вања е блиску,…
Грозоморното и свирепо убиство на 14 годишната…
Меркел за проектот „Северен тек 2“: Верував…
Поранешната германска канцеларка, Ангела Меркел во интервју…
Шолц ја поддржа политиката на Меркел кон…
Германскиот канцелар Олаф Шолц ја пофали политиката…
Меркел објасни зошто преферирала руски гас
Поранешната германска канцеларка Ангела Меркел, која беше…