И по трет обид Италија не избра Претседател – Во понделеник ќе се гласа по четврт пат

Третиот круг гласање за нов претседател на Италија ниту денеска не донесе победник, а блоковите од десниот и левиот центар очигледно не се поблиску до договор за заемно прифатлив кандидат.
На успешен кандидат му треба двотретинско мнозинство во кој било од првите три круга на гласање. Од четвртото гласање, кое ќе се одржи утре, ќе биде доволно апсолутно мнозинство. Денеска голем број пратеници продолжија да гласаат со празни гласачки ливчиња.
Сепак, се` поголем број го наведуваат името на шефот на државата во заминување, Серџо Матарела, кој одби да прифати втор мандат. Премиерот Марио Драги е фаворит, но целиот процес е комплициран поради загриженоста на партиите дека преземањето на претседателската функција од Драги може да доведе до распаѓање на владата и распишување предвремени парламентарни избори.
Иако е главно церемонијална должност, италијанскиот претседател има значителни овластувања во време на политичка криза – од распуштање на парламентот до избор на нов премиер и отфрлање на мандатите од кревките коалиции.
ПОВРЗАНИ ВЕСТИ
БРАВО: Италија отвара Музеј на Холокаустот во…
Музеј посветен на сеќавањето на Холокаустот постои…
Макрон “преживеа”: Не успеа гласањето недоверба во…
Француската влада денеска со мало мнозинство го…
Арсовска на средба со италијанскиот амбасадор: Продолжуваме…
Градоначалничката на Град Скопје, Данела Арсовска денеска…
Капетан во италијанската морнарица осуден на 30…
Капетан на италијанската морнарица е осуден на…
(Видео) Судир на воени авиони: Двајца пилоти…
Двајца пилоти на воената авијација загинаа во…