КАДЕ Е АЛЕКСЕЈ НАВАЛНИ? Од рускиот опозициски лидер две недели нема ни трага ни глас
![t](https://infomax.mk/wp-content/uploads/2023/12/navalni.jpg)
Сојузниците на затворениот руски опозициски лидер Алексеј Навални изјавија дека го бараат 13-ти ден откако тој денеска не се појави на суд. Портпаролката на Навални, Кира Јармиш, напиша на Твитер дека Навални имал закажани повеќе сослушувања, од кои некои биле прекинати бидејќи најголемиот непријател на претседателот Владимир Путин не може да се лоцира за да учествува лично или преку видео врска.
Каде се наоѓа 47-годишниот Навални е непознато откако неговите адвокати изгубија контакт со него по 6 декември. Неговите помошници веруваат дека Навални намерно го кријат откако Путин ја објави својата кандидатура на претседателските избори во Русија во март.
– Алексеј е главниот противник на Путин, иако неговото име нема да биде на гласачкото ливче. Тие ќе направат сѐ што можат за да го изолираат – изјави Јармиш за Асошиетед прес.
Тимот на Навални започна кампања за да ги охрабри Русите да ги бојкотираат изборите или да гласаат за друг кандидат.
Помошниците рекоа дека на бранителот во петокот му било кажано дека Навални бил преместен од казнената колонија источно од Москва, каде што отслужува 19-годишна затворска казна поради обвинение за екстремизам, но не е прецизирано каде е одведен.
Јармиш потврди дека тимот на Навални проверува во повеќе од 200 центри за притвор и специјални затворски колонии и дека тој лично ги проверил сите притворни центри во Москва за да го пронајде опозицискиот лидер. Судијата денеска ја прекина судската постапка на неодредено време откако Навални не беше пронајден.
– Судот едноставно се ослободи од одговорноста за спроведување на правдата – посочи Јармиш.
Сојузниците на Навални алармираа откако на неговите адвокати не им беше дозволено да влезат во казнената колонија бр. 6, затвор на околу 230 километри источно од Москва, каде тој ја отслужуваше казната.
Јармиш изјавил дека ваквиот развој на настаните предизвикал загриженост затоа што Навални неодамна се разболел и се онесвестил „од глад“. Таа истакна дека тој бил „лишен од храна“ и дека бил „држан во ќелија без вентилација и бил пуштан да поминува минимално време на отворено“.
Тој требаше да биде префрлен во затворска колонија со „специјално обезбедување“, најбезбедна установа во рускиот затворски систем. Трансферите во руските затвори се познати по тоа што траат долго време, понекогаш со недели, во кое нема пристап до затворениците и информациите за нивното место на живеење се ограничени или недостапни.
Навални може да биде префрлен во која било од голем број такви казнени колонии низ Русија. Тој е зад решетки од јануари 2021 година, кога се врати во Москва по закрепнувањето во Германија од труење со нервен агенс за кое го обвини Кремљ.
Пред апсењето, тој водеше кампања против корупцијата и организираше големи протести против Кремљ. Оттогаш, тој доби три затворски казни и помина месеци во самица во Казнената колонија бр. 6 за наводни помали прекршоци. Тој ги отфрли сите обвинувања против него како политички мотивирани.
ПОВРЗАНИ ВЕСТИ
Еве зошто Мицкоски и Владата не смееа…
Експерт откирва, Вјоса Османи ги прекршила сите…
(Видео) Пожарот кај Негорци е ставен под…
Пожарот кај Негорци е ставен под целосна…
Марија Габриел ќе биде втор човек во…
Поранешната еврокомесарка и министерка за надворешни работи…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Исчезната е Злата Јанкова, доколку ја забележите…
Исчезната е Злата Јанкова, последен пат е…