Кисела Вода добива целосно реконструирано и инклузивно училиште

Градоначалникот на Кисела Вода, Орце Ѓорѓиевски, на Фејсбук објави дека општината добива целосно реконструирано и целосно инклузивно училиште. Објавата ја пренесуваме интегрално:

„🏛️ ООУ ,,Кузман Јосифовски Питу” својот 61 роденден ќе го дочека реновирано и целосно инклузивно. ☑️
Денес присуствувавме на свеченоста по повод 60 години од постоењето на ООУ ,,Кузман Јосифовски Питу”. Положивме свежо цвеќе пред бистата во училишниот двор, а потоа ја проследивме приредбата на учениците, како и промоцијата на документарниот филм посветен на училиштето.

⛑️ Во склоп на одбележувањето на јубилејот, во училишната спортска сала се одржуваше и крводарителска акција.
🚧 Денешната посета во ова училиште ја искористивме и за да извршиме увид во градежните активности кои тука се одвиваат и на учениците ќе им овозможат унпредување на условите за работа.

Имено, реконструкцијата на овој училишен објект опфаќа промена на кровната конструкција, поставување на нова термоенергетска фасада, како и изградба на лифт за децата со посебни потреби, пристапни рампи и специјални тоалети.
🅿️ Предвидена е и изградба на паркинг места за овие лица и дактилни патеки во дворот на објектот.
☝️ Со тоа, ООУ ,,Кузман Јосифовски Питу” ќе стане првото целосно инклузивно училиште во Скопје.“ – Пишува во Фејсбук објавата.

Share on Facebook

Tweet

Follow us

Save