Ковачки: Ако по утрото се познава денот, а по првиот ден се познава цела година, тогаш нешто не е во ред и итно треба да се менува

t

Драган Ковачки преку статус на Фејсбук побара итно менување на власта предводена од СДСМ.

-Ако по утрото се познава денот, а по првиот ден се познава цела година, тогаш нешто не е во ред и итно треба да се менува.

Имено, долго најавуваните економски години на Заев, а сега и на Ковачевски се само празни флоскули, па поради неспособноста и криминалот на СДСМ и ДУИ, од утрово македонските граѓани ќе плаќаат повисоки сметки за електрична енергија. Скопјани ќе плаќаат и поскапо парно.

И додека октроираниот претседател на СДСМ и на ДУИ ни честитаа нова година со видео пораки во кои свесно го изоставиле симболот на државата – македонското знаме, денеска, на бедата и’ се придружија и Пендаровски и Шекеринска кои заборавија на уште една воспоставена традиција.

Пендаровски заборави дека секоја година, ако не на полноќ како што тоа го направи градоначалничката на Скопје, тогаш утрото на 1 јануари требаше да изврши посета на оние момци и девојки што носат униформа и кои додека другите се забавуваат во преполните кафеани, тие, на минусни температури ги извршуваат своите должности.

Обично, на тие што се на должност на 31.12 им се носи и мал подарок. Така, по традиција, правеле претходниците на Пендаровски. Но, очигледно е дека за сегашниов Претседател, функцијата е повеќе привилегија, а помалку обврска и истиот не би сакал токму на нова година да јаде војничко гравче за коешто и така нема намирници за подготовка.

Пендаровски, кој само декларативно повикува на единство, е познат по тоа што не почитува традиции и истото го направи и за 2 август кога одби да се обрати од славниот Мечкин Камен. Зарем да очекуваме нешто повеќе од тој што ќе се селеше од државата доколку не би бил претседател, а сопствениот народ го нарече стока?

Лично мене, не ме изненадува тоа што немало кој да му укаже и да го потсети дека на 1 јануари треба да оди во посета на воена единица и дека со мали дела се покажува почит кон тие што служат.

Шекеринска одамна е посветена на личната кариера и ПиАр, а грижата за војниците и’ е познат поим само во услови на предизборие или распишани избори. Ова последново секако не се однесува за партиските послушници и додека цела Влада е во оставка, на истите, сакајќи да ја прикрие својата и нивната неспособност и неодговорност, им потпишува решенија.

Сепак, колку и да е тежок и срамен почетокот на годината, народот треба да знае дека има светло на крајот од тунелот.

Македонија има сила да се избори со истите што ја опљачкаа и понижија.

#Промени, стои во неговиот пост на Фејсбук.

Објавата на Фејсбук може да ја погледнете ТУКА.

ПОВРЗАНИ ВЕСТИ

Пендаровски: Целосен ветинг на судии и обвинители,…

На вториот ден од победничкиот караван, кандидатот…

СДСМ: Со ДПМНЕ безбедносната состојба во земјата…

Се влошува безбедносната состојба во Македонија. Само…

Македонките се мажат најмлади во регионот, на…

Жените во Македонија најмлади стапуваат во брак…

СДСМ ветува плус 200 евра за секое…

СДСМ во неделата ја претстави својата партиска…

ГРОМ: Партиите ја дерогираа функцијата претседател на…

Политувани,во прилог ви го испраќаме соопштението за…