Ковечевски во своето излагање кажа како ќе настапи во спорот со Бугарија

t

Разговорите со Република Бугарија ќе продолжат и ќе се интензивираат но никој не смее и нема да преговара за идентитетот на македонскиот народ, порача во своето експозе претседателот на СДСМ и мандатар за состав на нова влада, Димитар Ковачевски.

„Jа остваривме повеќедецениската стратешка цел, членство во НАТО и обезбедивме мир стабилност и сигурна иднина за нашите деца. Но на патот кон ЕУ пред нас се предизвиците за кои двете влади, на Северна Македонија и на Бугарија, се одлучни да изнајдат решенија низ дијалог и соработка. Македонските и бугарските граѓани се повеќе заинтересирани за економија, за културни, образовни и младински размени, за инфраструктура која поврзува и на овие теми мора многу повеќе да соработуваме.


Историјата е на историчарите, но идентитетските прашања се темели на народот и на државата. За Владата не постои никаква дилема – никој не смее и никој нема да преговара за идентитетот на македонскиот народ и за историски и научно потврдената специфичност и уникатност на македонскиот јазик.“ посочи Ковачевски.

Ковачевски најави дека Република Северна Македонија ќе продолжи со добрососедска политики и засилена соработка со сите соседни земји.

„Разговорите со Република Бугарија ќе продолжат и ќе се интензивираат, бидејќи ние сме пријателска земја која развива добрососедство и бидејќи имаме исклучителен стратешки интерес да ги започнеме преговорите за членство во ЕУ. Владата ќе продолжи исто така да ги одржува и развива добрососедските и пријателски односи со сите свои соседи, постојано иницирајќи нови програми и проекти за поврзување на граѓаните преку иницијативи како што е „Отворен Блакан“, заклучи Ковачевски.

ПОВРЗАНИ ВЕСТИ

Учениците се враќаат во клупите

Комисијата за заразни болести, следејќи ја епидемиолошката…

Чулев ќе сведочи во случајот Рашковски?

Поранешниот министер за внатрешни работи во техничката…

(Видео) Ковачевски на увид: Како напредува работата…

Ковачевски денес изврши увид на работата на…

Пановски вели дека сите ќе се зapaзиме…

Микробиологот проф. д-р Никола Пановски во гостувањето…

Штpaјк на железничарите: Немаат земено плата

Од 7.00 часот утрово патничкиот и товарниот…