Кој стои зад нападот врз рускиот генерал? Нови детали за наводниот атентат

Се појавија првите детали за наводниот обид за атентат врз високиот руски генерал Владимир Алексеев, објави рускиот бизнис-весник „Комерсант“. Напаѓачот, кој лажно се претставил како доставувач, го застрелал генералот на скалите на неговата зграда, објави весникот, а јави АП.

Хронологија на нападот

Според извештајот, напаѓачот испукал два истрела, ранувајќи го Алексеев во стапалото и во раката, објавува „Гардијан“.

Генералот потоа се обидел да му го одземе оружјето на напаѓачот, но повторно бил застрелан, овој пат во градите. Напаѓачот потоа избегал. Ранетиот генерал бил однесен во московска болница во критична состојба, а неговата состојба сè уште не е официјално објавена.

Полицијата и безбедносните служби ги прегледуваат снимките од надзорните камери и ги испрашуваат сведоците. Кремљ потврди дека рускиот претседател Владимир Путин бил информиран за обидот за атентат и дека надлежните безбедносни служби се занимаваат со инцидентот, пренесуваат руските медиуми.

Алексеев е познат и на пошироката јавност по неговата улога во јуни 2023 година, кога бил меѓу високите функционери кои преговарале со водачот на платеници Евгениј Пригожин за време на неговиот краткотраен бунт. Од почетокот на војната во Украина имало неколку напади врз високи руски воени функционери, а Москва редовно го обвинува Киев за вакви инциденти.

Лавров, исто така, го коментираше нападот

Рускиот министер за надворешни работи Сергеј Лавров ја обвини Украина за обид за атентат врз висок руски генерал во Москва, тврдејќи дека претседателот Володимир Зеленски се обидува да го саботира мировниот процес, но Кремљ не обезбеди докази за овие обвинувања.

Share on Facebook

Tweet

Follow us

Save