Лавров најави визи за непријателските земји меѓу кои е и Македонија

t

Рускиот министер за надворешни работи, Сергеј Лавров, најави нови мерки за граѓаните на, како што вели, непријателските земји.

„Москва развива мерки за ограничување на влезот во Русија за граѓаните на непријателските земји“, изјави шефот на руската дипломатија.

„Се подготвува нацрт-претседателски декрет за реципрочни визни мерки како одговор на непријателските дејствија на голем број странски земји“, рече тој во телевизиска изјава.

Државната новинска агенција ТАСС пренесува дека мерките се одговор на непријателски дејствија на САД и нивните сателити, вклучително и нелегитимни санкции и одлуки кои ги кршат правата на руските граѓани и правни лица.

Не е прецизирано за кои земји ќе се применуваат мерките, но владата претходно одобри список на држави и територии кои, како што се вели, чинат непријателски дејствија против Русија, нејзините компании и граѓани.

„Списокот ги вклучува САД и Канада, земјите на ЕУ, Велика Британија, Украина, Црна Гора, Швајцарија, Албанија, Андора, Исланд, Лихтеншатјн, Монако, Норвешка, Сан Марино, Северна Македонија, Јапонија, Јужна Кореја, Австралија, Микронезија, Нов Зеланд, Сингапур и Тајван“, објави тогаш агенцијата ТАСС.

ПОВРЗАНИ ВЕСТИ

Путин: Иднината на Русија се решава на…

Властите треба да работат онолку колку што…

Лавров повика да не се учествува на…

Шефот на руската дипломатија Сергеј Лавров ги…

Макрон бара Киев да добие дозвола да…

Францускиот претседател Емануел Макрон се заложи Киев…

Борел: Легитимно е Украина да ја напаѓа…

Нападите на Украина на руска територија со…

Кремљ: НАТО веќе е во директен конфликт…

НАТО веќе е во директен конфликт со…