Лавров се заканува? Западот е на работ на директен воен конфликт со нуклеарните сили
![t](https://infomax.mk/wp-content/uploads/2023/12/lavrovpres9.png)
Западот е на работ на директен воен конфликт со нуклеарните сили поради неговата поддршка за Украина, а тоа може да предизвика катастрофални последици, изјави рускиот министер за надворешни работи Сергеј Лавров.
Според него, особена загриженост предизвикува фактот што „тројката“ на западните нуклеарни сили се меѓу клучните спонзори на Киев.
„Москва во тоа гледа сериозни стратешки ризици, кои водат до зголемување на нивото на нуклеарна опасност“, додаде министерот во видео пораката до учесниците на Московската конференција за неширење на нуклеарното оружје.
Лавров нагласи дека светот во моментов е сведок на криза во системот за контрола на вооружувањето, разоружувањето и неширењето на нуклеарното оружје, што одразува невидена длабока деградација на полето на меѓународната безбедност.
„Русија е подготвена да се врати на прашањето за ратификација на Договорот за сеопфатна забрана за нуклеарни тестови, штом тоа го направи Вашингтон“, изјави шефот на руската дипломатија.
Колективниот Запад, предводен од САД, промовира „отворено измамнички шеми“ со цел да добие предност на сметка на новите ограничувања на нуклеарниот арсенал на противникот, рече Лавров.
„Нема основа за дијалог со Соединетите Американски Држави на тема стратешка стабилност во услови на тотална глобална војна против Русија, ова прашање не може вештачки да се изолира од општиот меѓународен сегмент“, заклучи рускиот дипломат.
ПОВРЗАНИ ВЕСТИ
Американски астронаути се заглавени во Вселената, Русија…
„Роскосмос“ и НАСА постојано се во контакт…
(Видео) Руски стратешки бомбардер се урна во…
Стратешки бомбардер „Ту-22М3“ се урна во Черемховски…
Украина формира воена канцеларија во Русија
Украина формираше воена административна канцеларија во руската…
Лукашенко ги повика Русија и Украина да…
Русија и Украина треба да преговараат за…
Зеленски: Украинските трупи имаат целосна контрола над…
Претседателот на Украина, Володимир Зеленски изјави денеска…