INFOMAX.MK

Група Албанци, качени на коњи, носејќи албански знамиња и други симболи кои можат да се поврзат со идејата за голема Албанија, дефилираа низ Гостивар, а снимката споделена преку социјалните мрежи ја вознемири јавнсота.

Откако денес Османи најави етничка криза во Гостивар,лица облечени во униформи на УЧК и знамиња на голема Албанија бараа и извикуваа поделба на Македонија, реагира корисникот кој го сподели видеото.

Откако денес Османи најави етничка криза во Гостивар,лица облечени во униформи на УЧК и знамиња на голема Албанија бараа и извикуваа поделба на Македонија.
Сите си бараат само ние ќе губиме.
НЕСПОСОБНИ !
ОСТАВКА! pic.twitter.com/HQyB0xWrd3

— За цела Македонија! 🔴⚫ (@VmroDpmne7) July 3, 2022

Од СВР Тетово за МКД.мк велат дека настанот бил поврзан со семејна веселба, но дека во координација со јавен обвинител ќе следуваат адекватни поднесоци.

Помеѓу 12 и 13 часот, по улица „Браќа Ѓиновски“ во Гостивар, во непосредна близина на општинскиот објект, забележани се неколку лица кои на коњи се движеле кон центарот на градот, а кои како дел, односно претходница на семејна свеченост, со себе носеле и виореле албански национални знамиња. СВР Тетово-Одделение за внатрешни работи Гостивар веќе ги идентификуваше лицата и во координација и консултација со јавен обвинител презема соодветни мерки за целосно расчистување и документирање на случајот, по што ќе следуваат адекватни поднесоци, соопшти за порталот портпаролот на СВР Тетово Марјан Јосифовски.