Медицинска сестра ќе оди во затвор – издала стотици лажни потврди за коронавирус

Медицинска сестра (34) во Жупанискиот суд во Загреб признала дека издала стотици лажни потврди за ковид, а во меѓувреме добила отказ.

Жената работела во Здравствениот дом Загреб за време на пандемијата на коронавирус во 2021 година и признала дека во тој период издавала потврди на лица кои не биле вакцинирани.

Таа со тамошното Обвинителство се договорила да одговара со две години и шест месеци казна, од кои една година ќе одлежи затвор. Преостанатата година и половина ќе биде претворена во условна казна.

Казнета е и со 15.000 евра, а потоа одлучено е да и бидат одземени 22.600 евра кои ги заработила со издавање лажни потврди.

Таа е осудена и за примање поткуп, а во нејзината група имало уште 11 лица кои биле посредници.

Според пресудата, медицинската сестра во информацискиот систем регистрирала лица кои не биле вакцинирани кога всушност биле. Тие беа регистрирани во Министерството за здравство ЦЕЗИХ и добија дигитални сертификати за ковид од ЕУ.

Останатите членови на нејзината група нашле антиваксери и, како што стои во пресудата, обезбедиле регистрација за вакцинација за најмалку 100 евра. После тоа ги поделиле заработените пари.

Вкупно повеќе од 200 лица на овој начин набавиле лажни потврди за Ковид, а медицинската сестра и нејзините луѓе заработиле нешто повеќе од 24 илјади евра и околу 12 илјади куни.
Главниот посредник за себе заработил уште 4.100 евра и 24.400 куни.

Луѓето кои купиле лажни потврди за ковид, исто така, почнаа да се изјаснуваат за виновни. Поради овој прекршок тие добија условна казна и парични казни во износ од илјада до две илјади куни.

Share on Facebook

Tweet

Follow us

Save