Мерката во училиштата за отворање на прозори за заштита од ковид е комична, владата на СДСМ нема национална здравствена стратегија

t

Претседателот на СОНК Јаким Неделков во вечерашното интервју во емисијата „Топ тема на Ваша страна“ вели дека од страна на комисијата за заразни болести воопшто не се прашани за протоколите и мерките, за тие како синдикат да дадат свој суд што е а што не е спроведливо во училиштата, нагласувајќи дека мерката отворање на прозор е комична.

Училиштата се воспитно образовни установи каде што се образува и воспитува. Овде се сретнуваме со многу сериозен здравствен проблем каде што вработените во училиштата освен тоа што професионално го работат имаат дополнителен ангажман да ги спроведуваат препораките, мерките и протоколите. Колку е тоа успешно, јас не сум сигурен, но од аспект дали е тоа и физички возможно, дали се доволно обучени луѓето, па и на крајот на краиштата дали имаме доволно број на луѓе, кадар кој што тоа може да го направи, истакна тој.

Релативно добро е ставено на хартија како сето тоа треба да се спроведи, меѓутоа во практиката е нешто друго. Од тој аспект јас на почетокот кажав до сега ниту сме консултирани, ниту сме прашани, а ниту пак сме учествувале во давање свој суд или мислење да помогнеме на Комисијата за заразни болести, да кажеме ова е спроведливо или е неспроведливо, па да најдеме начин кој што ќе ни помогне нам за да ги спроведуваме препораките. И навистина малку комично изгледа со отворање на прозорците дали ние се заштитуваме од вирусот или пак можеме да се заболиме од други болести, дециден е Неделков.

Претседателот на СОНК Неделков, вели дека актуелната влада на СДСМ нема национална здравствена стратегија за спречување на ширењето на пандемијата, посочувајќи дека дополнително иритира фактот дека има приватни тестови, а нема тестови преку Фондот.

Во секој случај мое лично мислење е дека актуелната влада нема некоја национална здравствена стратегија за спречување во борба со оваа пандемија. Финансиите воопшто не треба да бидат проблем за ваква работа без разлика колку и тоа да чини, мислам дека мора да се одвојат онолку средства колку што се потребни. Исто така иритира фактот што приватни тестови има колку што сакате, а преку Фондот тестови нема, или преку матичниот лекар се закажува после месец дена откако ќе се прележи, вели Неделков.

ПОВРЗАНИ ВЕСТИ

Петре Шилегов знаел за рамковните вработувања во…

Отстранувањето на речиси 40 лица од платниот…

Ванковска: Технички секретар во АЕК со завршено…

На огласот за работна позиција технички секретар…

Големо намалување на горивата, ова се новите…

Регулаторната комисија за енергетика и водни услуги…

И бурекот ќе стане луксуз: Една четвртина…

И лебот станува луксуз за граѓаните. Во…

За влез во државата се чека околу…

Интензитетот на сообраќај на патните правци надвор…