Метео: Променливо облачно со врнежи, пад на температурите и силен ветер!

Времето денеска ќе биде променливо облачно со сончеви периоди. Кон крајот на денот и во текот на ноќта, во северозападните делови се очекуваат повремени врнежи од дожд, а на планините од снег. Ќе дува слаб до умерен јужен ветер. Минималните температури ќе се движат од -9 до -2 степени, додека максималните ќе достигнат од 3 до 9 степени.

Во Скопје ќе преовладува променливо облачно време со сончеви периоди и слаб променлив ветер. Минималната температура ќе се спушти до -6, а максималната ќе достигне до 4 степени.

Во сабота се најавуваат локални врнежи, на планините и повисоките места од снег, а во пониските предели од дожд и снег. Врнежите ќе бидат пообилни во западните делови, каде што ќе дојде и до дополнително зголемување на снежната покривка.

Во недела и понеделник ќе дува умерен до засилен северен ветер, со брзина над 60 km/h, проследен со повремени локални врнежи од снег. Температурите ќе бидат во опаѓање, а на некои места дневните ќе останат под нула степени. Од вторник се очекува стабилизирање на времето со сув период.

Share on Facebook

Tweet

Follow us

Save