Митовски: На партиите не им одговара решавање на проблемите во правосудството, бидејќи ќе треба да стават клуч на врата

Уредникот на Инфомакс во своето гостување во емисијата „Јади Бурек“ истакна дека кај ниту една политичка партија во Македонија не постои интерес за решавање на проблемите во правосудството бидејќи ако истото стане извршително сите партии ќе треба да стават клуч на врата.

-Во нашите партии нема интерес да се реши ова. На нашите партии им одговара да има систем на трговија со влијание. Ако постои правичност и ако постои извршителност кај правосудниот систем да ги гони сите индиции за криминал ни позиција, ни опозиција би постоеле , вели Митовски.

Уредникот на Инфомакс потенцира дека во македонското правосудство владее ситем на кланови каде мерит системот е целосно укинат.

-Во македонското правосудство функционира систем на кланови и таму не се доаѓа мериторно туку се доаѓа, тој ми е внук, тој ми е од брат дете и така влегуваат и стануваат дел од системот. Тоа е систем на кланови. Вие имате ситуација министер, сопруга во суд, брат во суд, татко, мајка сите се, додаде Митовски.

Според него Македонија се движи кон ситуација во која граѓаните ќе почнат да ја земаат правдата во свои раце.

-Неминовно се движиме кон ситуација да луѓето да почнат да ја земаат правдата во свои раце. Прашање е само на време. Значи не верувам дека овде ќе стигнеме институционално да ги решиме овие проблеми, вели тој.

Share on Facebook

Tweet

Follow us

Save