Мицкоски на средба со Мацут, зборувале за унапредување на билатералната соработка и продлабочување на економските врски

Претседателот на Владата, Христијан Мицкоски, оствари средба со претседателот на Владата на Република Србија, Ѓуро Мацут. На средбата, разговарале за унапредување на билатералната соработка, регионалната стабилност и можностите за продлабочување на економските и институционалните врски меѓу двете земји.

„Во пријателска и конструктивна атмосфера разменивме мислења за актуелните предизвици и заедничките приоритети, со посебен акцент на јакнењето на регионалната поврзаност, инвестициите и соработката во области од заемен интерес. Ја потврдивме подготвеноста за понатамошно развивање на добрососедските односи и заедничка работа во насока на просперитет, стабилност и подобра иднина за граѓаните на двете држави“, објави Мицкоски.

Премиерот Мицкоски со владина делегација е во посета на Србија, каде во Нови Сад попладнево беше одбележан големиот јубилеј – 80 години од доселувањето и организираниот живот на Македонците во Војводина.

Share on Facebook

Tweet

Follow us

Save