Мицотакис: Имаме подготвено рестриктивни мерки доколку Турција се врати на агресивното однесување кон Грција и Кипар

Имаме подготвен сет рестриктивни мерки што би можеле да се употребат доколку Турција се врати на агресивното однесување кон Грција и Кипар, порача грчкиот премиер Кирјакос Мицотакис за време на неговото обраќање на состанокот на европратениците на Европската народна партија, јави дописничката на МИА од Атина.
Мицотакис додаде дека Турција сè уште користи агресивна реторика во однос на суверенитетот и суверените права на Грција.
– Бидејќи тоновите делумно се сменија, не сакам да верувате дека не продолжуваме да бидеме мета на агресивна реторика од Турција, која секако има недостиг на сериозност. Мора да бидеме свесни за фактот дека не постои суштинска промена во турската политика кон Грција. Поради тоа го следиме и овој пристап на две нивоа, подавајќи рака на пријателство, а истовремено имаме подготвен сет можни рестриктивни мерки што би можеле да се употребат доколку Турција се врати на агресивното однесување кон Грција и Кипар, истакна Мицотакис.
Во однос на мигрантското прашање тој нагласи дека за 90 отсто се намалени бегалските бранови кон Грција, дека земјата докажа оти може да функционира „ефикасната заштита на надворешните граници со целосно почитување на основните права“, но и дека е потребна поголема поддршка од Турција која „мора да ја заштити својата источна граница“.
ПОВРЗАНИ ВЕСТИ
Секое зло за добро: Несреќите во Турција…
Шефот на грчката дипломатија ги истакна неодамнешните…
Грчката влада ја продолжува мерката за субвенционирање…
Со 24,4 милиони евра, грчката Влада и…
Поминат првиот филтер: Парламентарна комисија од Турција…
Комисијата за надворешни работи при турскиот Парламент…
Мицотакис најави избори во Грција во мај
Грчкиот премиер Киријакос Мицотакис денес, три недели по железничката…
Голема благодарност од Ердоган: Никогаш нема да…
Турција никогаш нема да ја заборави солидарноста…