Напредна технологија која може да стави крај на сите виpycи: Еве што создава фармацевтската компанија која ја купи Ѓоковиќ

Лекот против корона вирусот на кој работи компанијата на Новак Ѓоковиќ не дозволува вирусот да влезе во телото.

Како што пишува српски Телеграф, компанијата „Quat BioRes“, која делумно е во сопственост на српскиот тенисер, може да стави крај на светската пандемија. Нивните научници работат на лек кој би го спречил вирусот Ковид-19 да навлезе во човечкото тело.

– Компанијата која е основана во јуни 2020 година, а во чија приказна е Ѓоковиќ од април, работи на развој на нова технологија за лекување на вирусот. Не само корона, туку и сите вируси што постојат, а се тестира на Ковид 19 бидејќи моментално е најдоминантниот вирус во светот. Едноставно, тие развиваат пептид, односно протеин кој стои помеѓу вирусот и клетката и го спречува да навлезе во нејзе и да го зарази телото. Сè се заснова на фреквенцијата на молекулите, односно да се погоди резонанца на вирусите и пептидите и потоа тие се отфрлаат. Во лабораториски услови засега се оди според планот, а наскоро ќе започне и тестирањето на луѓе. Засега не се знае дали пептидот би се вбризгал во телото или во форма на спреј низ нос – изјавил за српски Телеграф извор близок на компанијата „Кват БиоРес“.

Share on Facebook

Tweet

Follow us

Save