Национално обединување: Ќе седнат ли на иста маса Мицкоски и Филипче?

Македонија мора да ја искористи шансата која може да се отвори доколку се прифати иницијативата на германскиот канцелар Фридрих Мерц кој испрати писмо и до ЕК за интегрирање на западен балкан по забрзана трака но со особен акцент за интегрирање на Украина и Молдавија.

Опозицискиот лидер Венко Филипче денеска ја поздрави ваквата иницијатива, но и побара од премиерот Христијан Мицкоски да дефинира што подразбира под национално обединување на кое повикувааа и двајцата изминатата недела а доколку го добие одговорот вели не ја исклучува можноста и тој да го направи првиот чекор и да иницира средба со Мицкоски за евроинтегративните процеси на земјата бидејќи како што рече земјата нема друга алтернатива.

Сето ова доаѓа не само по иницијативата на Мерц но и средбата која министерот за надворешни работи Тимчо Муцунски ја имаше во Шведска со неговите колеги од ЕУ каде порачал дека Западен Балкан и натаму останува под сериозно злонамерно влијание а остварил средба и со неговата колешка од Бугарија Велислава Петрова. На својот Ф.Б профил напиша

Тимчи Муцунски

– Разменивме мислења за билатералните односи, регионалната соработка и европската интеграција на државата. Ја нагласив потребата од изнаоѓање решение за билатералното прашање, кое го кочи процесот на отворање на преговорите со Европската Унија, реафирмирајќи ги позициите на Владата и укажувајќи дека темите поврзани со македонскиот јазик, идентитет, култура и историја не можат да бидат предмет на разговори.

Акцент ставивме и на значењето на Коридор 8 и потребата од забрзување на активностите поврзани со отворањето на граничниот премин „Клепало“, како важен дел од регионалната инфраструктурна и економска поврзаност.

Претходната недела и премиерот Христијан Мицкоски на одбележувањето на 150 годишнината од Разловечкото востание повика на национално обединување за националните интереси и црвените линии. Филипче исто така рече спремни е од позиција на опозиција заеднички да пристапат кон отварање на уставот и да ја споделат одговорноста но повторно од ВМРО-ДПМНЕ ова го отфрлија и го дефинираа како обид на Филипче и СДСМ за тргување со националните интереси.

Share on Facebook

Tweet

Follow us

Save