Низ Ормутскиот теснец во последните 24 часа поминаа 20 милиони барели нафта

Околу 20 милиони барели сурова нафта поминаа низ Ормутскиот теснец во последните 24 часа, додека танкерите продолжуваат да се движат по клучниот пат за снабдување на Блискиот Исток, изјави денеска американскиот министер за енергетика Крис Рајт.

„Поминаа 72 брода со околу 20 милиони барели нафта“, рече Рајт на Глобалниот енергетски форум во Њујорк.

„Иран во иднина нема да има можност да ја затвори Ормутскиот теснец. Тоа е клучната работа, тоа е нивната клучна предност и ние им ја одземаме“, додаде тој.

Цените на референтната нафта денеска паднаа за повеќе од три долари за барел, на најниско ниво од почетокот на војната во Иран во февруари, бидејќи загриженоста за снабдувањето се намали со повеќето танкери за нафта што го напуштаат мореузот.

Испораките на нафта преку тесниот воден пат што граничи со Иран се ограничени со месеци поради конфликтот, со што е прекинат протокот на околу една петтина од светската сурова нафта.

Share on Facebook

Tweet

Follow us

Save