Од денеска исплата на мартовските пензии зголемени за илјада денари

t

За повеќе од 330 илјади пензионери мартовската пензија ќе биде повисока за 1.000 денари со што се реализира договорената директна интервентна финансиска помош која со истата сума ќе биде вклучена и во април и мај. Исплата на мартовските пензии почнува денеска.

Мартовските пензии преку мрежата банкомати ќе бидат достапни од денеска, а готовинска исплата на пензии за клиентите кои не користат картички, банките ќе исплаќаат во четири групи според висината на пензијата, и тоа за пензии со висина до 11.000 денари денеска – 29 март, за пензии со висина 11.001-14.000 денари на 30 март (среда), за пензии со висина 14.001-18.000 денари, на 31 март (четврток) и за пензии со висина над 18.001 денари, исплата ќе се врши на 01.04.2022 година (петок).

Финансиската поддршка, како и зголемувањето на пензиите според новата методологија, ќе бидат исплатени од Фондот за пензиско и инвалидско осигурување со што, како што нагласија од Владата кога оваа одлука за зголемување на пензиите беше соопштена, се потврдува неговата стабилност како резултат на добрите економски политики на Владата и на успешното менаџирање на Фондот и креираните резерви.

Сето ова Владата го остварила без да ги зголеми стапките за пензиски придонеси, односно без дополнително оптоварување на бизнисот и низ отворен дијалог со сите засегнати страни со што се постигнало одржливо решение за континуиран раст на пензиите, а со тоа и на животниот стандард и квалитетот на живот на пензионерите.

ПОВРЗАНИ ВЕСТИ

Не е сигурен договорот со Србија за…

Државата обезбедува субвенционирана цена на електричната енергија…

Ердоган открива: Вечерва ќе разговарам со Путин…

Претседателот на Република Турција, Реџеп Тајип Ердоган…

САД загрижени поради потенцијална нестабилност на Западен…

Амбасадорката на САД во НАТО, Џулиен Смит,…

Не гледај што правам, слушај што зборувам:…

Со жалење можеме да констатираме дека советничката…

Германските власти до граѓаните: Штедете го плинот,…

Германските власти ги повикуваат граѓаните да се…