Оксфорд бара волонтери за да се заразат со коронавирусот

t

Првото медицинско испитување во светот во кое е дозволено намерно изложување на субјекти на коронавирус бара волонтери за да се развијат подобри вакцини.

Студијата на Универзитетот Оксфорд почнала минатиот април, три месеци откако Велика Британија стана првата земја што одобри тестирања на луѓе со Ковид-19.

Неговата прва фаза, која сè уште е во тек, се фокусира на откривање на количината на вирусот потребна за да предизвика инфекција, додека втората ќе има за цел да го одреди имунолошкиот одговор потребен за да се спречи инфекцијата, се вели во соопштението на Универзитетот.

Научниците се блиску до утврдување на најслабата можна вирусна инфекција која гарантира дека околу половина од луѓето изложени на него ќе добијат асимптоматски или благ ковид-19.

Тие потоа планираат да ги изложат доброволците – сите претходно природно инфицирани или вакцинирани – на таа доза од оригиналната варијанта на вирусот, за да одредат кои нивоа на антитела или имунолошки Т-клетки се потребни за да се спречи инфекцијата.

-Тоа е имунолошки одговор што потоа треба да го зајакнеме со новата вакцина, рече Хелен Мекшејн, професорка на Универзитетот Оксфорд и водач на студијата.

Наодите од истражувањето ќе помогнат да се направи идниот развој на вакцината многу побрз и поефикасен, се вели во соопштението.

Имунолозите ширум светот се обидуваат точно да го одредат нивото на имунолошки одговор што вакцината мора да го предизвика за да се заштитиме од болести. Откако ќе се открие ова ниво, потребата за масовно тестирање вакцини ќе биде значително намалена.

Научниците со децении користеле човечки експерименти за да развијат третмани против многу заразни болести, но ова е прва позната студија за Ковид-19.

Негативната страна на истражувањето е ризикот по здравјето на волонтерите кои страдаат од болеста ковид-19, но универзитетот ги презема сите мерки на претпазливост.Испитаниците мора да бидат здрави и на возраст меѓу 18 и 30 години.

Тие ќе бидат ставени во карантин најмалку 17 дена, а секој кој ќе развие симптоми ќе го добие лекот Регенерон – моноклонални антитела на Ронапрева.

ПОВРЗАНИ ВЕСТИ

За Ковид-тестови во приватните лаборатории граѓаните платиле…

Главиот државен ревизор, Максим Ацевски во гостување…

Никој веќе не се вакцинира: Бугарија уништува…

Бугарија уништува големи количини на  вакцини со…

Кина го демантира ФБИ: Ковид-19 не излезе…

Портпаролката на кинеското Министерство за надворешни работи,…

И сега што правиме? ФБИ вели коронавирусот…

Американското Министерство за енергетика го ревидираше своето…

Добра вест: Ковид-прекршителите ќе добијат условна наместо…

Добра вест за луѓето кои имаат прекршоци…