Орце Камчев излегува од притвор, ќе се брани од слобода
![t](https://infomax.mk/wp-content/uploads/2021/12/Kamcev_sudnica_1.jpg)
Орце Камчев излегува на слобода по 10-месечен притвор, кој му беше изречен на 14 март минатата година спротивно на законот, а врз основа на службена белешка на АНБ во која се тврдеше дека Камчев подготвувал бегство во Бугарија.
Неофицијално, Апелацискиот суд ја прифатил гаранцијата на бизнисменот врз основа на која е укината мерката притвор, а бизнисменот ќе се брани од слобода. Како гаранција за присуство на рочиштата за „Плацови на Водно“ Апелацискиот суд ќе ги задржи патните исправи на бизнисменот.
Камчев беше приведен на 14 март и потоа со решение на судија на претходна постапка однесен во притвор, кој беше оправдуван со службена белешка на АНБ според која Камчев подготвувал бегство во Бугарија. Тогашниот министер за безбедност и вицепремиер на бугарската влада Красмир Каракачанов ги отфрли овие информации како лага и конструкција на „удбашката банда на Викторијо Димовски“, објаснувајќи дека Бугарија никогаш не подготвувала бегство на бизнисменот.
Пред новогодишните празници, Камчев беше примен на лекување приватната болница „Аџибадем Систина“. Ден претходно од притвор излезе поранешниот директор на некогашната УБК, Сашо Мијалков.
Орце Камчев беше предмет на анализа на американскиот Стејт Департмент кој ги прекори македонските судии за неосновано држење на луѓе во притвор, а влезе и во извештајот на Европската Унија благодарение на известувачот Јан Фигел, кој условите во кои беше држен Орце Камчев ги прогласи за полоши од оние во африканските земји.
ПОВРЗАНИ ВЕСТИ
Таткото на Вања останува во притвор!
Александар Ѓорчевски– таткото на 14-годишната Вањa која…
Апелација го пушти Незири на слобода
Апелациониот суд Скопје во интерес на јавноста,…
Продолжен притворот за осомничените за убиството на…
Продолжен притвор од 30 дена добија петмината…
Пресуда: Осуден полицаецот кој лажел за Јане…
Исказите на полицискиот службеник дека Јане Ченто,…
Обвинителството бара 48 часовен притвор за тројца…
Јавниот обвинител до Основниот кривичен суд Скопје…