Откриен е ген кој двојно го зголемува pизикoт од тешko забoлyвање со Koвид-19
![t](https://infomax.mk/wp-content/uploads/2021/12/korona-srbija.jpg)
Полските научници пронајдоа ген кој повеќе од двојно го зголемува ризикот од тешка болест на Ковид-19, откритие за кое се надеваат дека може да им помогне на лекарите да ги идентификуваат луѓето кои се најзагрозени од оваа болест.
Со оглед на тоа што неодлучноста при вакцинацијата е главен фактор за високата стапка на смртност од коронавирус во Централна и Источна Европа, истражувачите се надеваат дека идентификувањето на луѓето со најголем ризик ќе ги поттикне да се вакцинираат и ќе им овозможи пристап до поинтензивни опции за третман во случај на инфекција.
-По повеќе од година и пол работа, беше можно да се идентификува генот одговорен за предиспозиција за тешка болест. Тоа значи дека во иднина ќе можеме да идентификуваме лица со предиспозиција сериозно да заболат од Ковид, изјави министерот за здравство, Адам Ниџиелски.
Научниците од Медицинскиот универзитет во Бјалисток открија дека генот е четвртиот најважен фактор што одредува колку сериозно човек страда од Ковид-19, по возраст, тежина и пол.
Генот е присутен кај околу 14 отсто од полската популација, во споредба со осум до девет отсто во Европа и 27 отсто во Индија, изјави Марцин Мониушко, професор задолжен за проектот.
Други студии, исто така, ја покажаа важноста на генетските фактори во тоа колку сериозно се развива Ковид-19.
Во ноември, британските научници објавија дека идентификувале верзија на генот што може да се поврзе со двоен ризик од конгестија на белите дробови при заболување со Ковид-19.
ПОВРЗАНИ ВЕСТИ
Светската здравствена организација одржува итен состанок-се појави…
Светската здравствена организација (СЗО) денеска одржува итен…
Николоски: За двокатна куќа во внатрешноста не…
Заради притисокот што потекнува од Законот за…
Ќе дојде ли заладувањето кај нас: Обилни…
Делови од Црна Гора и Хрватска денеска…
Зеленски бара поддршка од Западот да продолжи…
Украинскиот претседател Володимир Зеленски ги повика сојузниците…
Се слави Св. Стефан летен, светецот со…
Православните верници го слават денот посветен на…