Пакистански „Боинг 737“ исчезна над Арапското Море во близина на Карачи

Товарен авион со пет члена на екипажот синоќа исчезна во близина на пакистанското пристаниште Карачи, откако претходно почнал брзо да се спушта и изгубил контакт со контролата на летање на Обединетите Арапски Емирати.

Пакистанската управа за цивилно воздухопловство објави на социјалните медиуми дека во тек се спасувачки операции во Арапското Море. Причината за исчезнувањето на авионот се уште не е позната.

Авионот од типот „Боинг 737“ на „K2 Airways“ со седиште во Карачи, бил на товарен лет од Шарџа во Обединетите Арапски Емирати до Карачи кога пријавил проблем со својот навигациски систем во 21:18 часот по локално време.

Според копнениот радар, авионот започнал брзо да се спушта и направил нагло менување на курсот околу 21:21 часот по локално време пред да исчезне од радарот и да го изгуби радио контактот околу 155 наутички милји (287 километри) западно од Карачи.

Share on Facebook

Tweet

Follow us

Save