Пановски вели дека сите ќе се зapaзиме со омикрон, прележаните и вакцинираните ќе поминат полесно

t

Микробиологот проф. д-р Никола Пановски во гостувањето на ТВ 24 вели дека заразата со омикрон варијантата тешко дека некој ќе ја избегне, но болеста полесно поминува кај оние кои веќе прележале ковид и кои се вакцинирале против коронавирусот.

– Бројот на денови за изолација треба да биде 7 дена, многу малку ќе придонесеме за ширење на болеста, и најважно е тоа што болеста кај прележаните и вакцинираните полесно поминува. Доколку некој праша дали ќе биде заштитен од омикрон тоа е многу тешко бидејќи сите ќе го прележиме. Некој на нога ќе го помине, особено што според податоците на Институтот за јавно здравје покажуваат дека 30 проценти од тестираните досега се асимптоматски случаи. Замислете колку луѓе има кои што одат на работа, не се тестираат и се позитивни. И ако го промениме прагот на изолација, тогаш треба да се затворат сите установи – појаснува професорот Пановски.


Според докторот заштитени се оние што го прележале делта сој и што се вакцинирани со трета доза.

– Делта сојот не замина. Се надевам дека овие 26 починати од вчера се со делта сојот. Сметам дека делта варијантата доминира, а нашата смртност е недалеку од онаа во светот. Смртноста е помала во однос на заразеност. Заради правилно лекување смртноста се намалува. Колку што се заразуваат толку и оздравуваат. Заштитени се оние што прележале делта сој и што се вакцинирани со трета доза. Најбитно е колку од тие реинфицирани и смртни случаи се од тие вакцинирани. Претседателот на Светската здравствена организација не кажува ништо добро, ништо охрабрувачко, а тоа води во депресија – вели Пановски.

ПОВРЗАНИ ВЕСТИ

СПЦ не врати од 1967 во 1959…

Македонската православна црква денеска не добила автокефалност,…

Ристовски: Едноставно овој клуб е повеќе од…

Искусниот голман Борко Ристовски со порака на…

На територија на град Скопје изречени се…

Министерството за внатрешни работи во текот на…

Хорор во Гевгелија: Пронајдено мртво момче со…

На 15.05.2022 во 22.15 часот во Полициската…

Американците успеаа: Тестираа свое хиперсонично оружје –…

Воздухопловните сили на САД соопштија дека извршиле…