Повторно дозволено журкање во Грција

t

Грција ќе ублажи дел од рестриктивните мерки што ги донесе минатиот месец поради пандемијата, па музиката повторно ќе биде дозволена во баровите и рестораните.

Тоа денеска го соопштија грчките власти посочувајќи дека одлучиле да ги омекнат мерките бидејќи се намалува притисокот врз болниците.

Тие потсетуваат дека минатиот месец беа преземени мерки за да не работат баровите, ноќните клубови и рестораните до полноќ, беше забрането стоење во клубови и пуштање музика, пренесе „Ројтерс“.

„Одлучивме да ги ублажиме ограничувањата имајќи го предвид текот на пандемијата во однос на бројот на случаи што се намалени во последните недели“, рече министерот за здравство, Танос Плеврис, во телевизиско обраќање.

Тој посочи дека и покрај постојаниот притисок врз здравствениот систем, стапката на прием и отпуштање од болниците и пократкото времетраење, како и полесната слика на болеста предизвикана од сојот омикрон во однос на делта-сојот, им овозможи на властите да ги олеснат ограничувањата.

Ограничувањата на капацитетот остануваат во сила за спортски настани, а двојната маска е задолжителна во супермаркетите и транспортот.

ПОВРЗАНИ ВЕСТИ

Силен земјотрес во Грција

Земјотрес со јачина од 4,1 степени според…

(Видео) Македонска народна музика ечи низ улиците…

Низ улиците на Солун ечи народна македонска…

АЈ НА ЗДРАВЈЕ ГРЧКО ВЕТО ЗА АЛБАНИЈА

Грчко вето за пристапните преговори на Албанија. …

Студија: Карантините за време на Ковид-19 предизвикаа…

Дури и по завршувањето на карантините, забрзаното…

Грчкиот премиер збесна откако Велика Британија ненадејно…

Атина изрази „навреденост“ од премиерот Риши Сунак…