Пожарот во Охрид изгаснат, избегната поголема штета

Територијалната противпожарна единица (ТППЕ) Охрид денеска интервенираше при пожар на отворен простор во населбата „Гоце Делчев“ (Бараки), каде што гореле деградирана шума и сува трева.

Во гаснењето на пожарот биле ангажирани четири противпожарни возила и 17 пожарникари.

Од ТППЕ Охрид информираат дека, поради силниот ветер, постоела реална опасност огнот да се прошири до блиските станбени објекти, но благодарение на навремената интервенција на пожарникарите, како и на помошта од месното население и доброволците, биле избегнати поголеми материјални штети.

Од охридската противпожарна единица упатија апел до граѓаните да се однесуваат совесно и одговорно, а до надлежните институции да преземат мерки за пронаоѓање и санкционирање на сторителите доколку пожарот е предизвикан од човечки фактор.

Share on Facebook

Tweet

Follow us

Save